Во ООУ „Гоце Делчев“, Демир Хисар се одржа изведување на тактичко показна вежба за гаснење пожар и извлекување на учениците и персоналот, а учесници во вежбата беа : ТППЕ – Демир Хисар, ОО на ЦК Демир Хисар, Брза помош и МВР – Демир Хисар.
Проверка на функционалноста на планот за заштита и спасување на ООУ „Гоце Делчев“, Демир Хисар, во делот на евакуација на повредени и загрозени лица во објектот во училиштето.
Во период од 12 – 16 ноември 2018 г. се одржа натпреварот Дабар во нашето училиште во организација на наставничката по информатика Весна Николовска. Натпреварот се организира секоја година откако е започнат на ниво на Р.Македонија. Дабар е интернационален предизвик (еден вид натпревар), наменет за ученици од основните и средните училишта (почнувајќи со 1во одделение), кој има за цел да ја промовира информатиката и сродните науки. Оваа година од нашето училиште учествуваа вкупно 170 ученици (од I до IX одделение), од кои 68 машки и 102 женски. Интересно е да се спомене фактот дека се повеќе има заинтересирани девојки за учество на натпреварите и општо за програмирањето и информатиката како наука.
Неделата на кодирање е иницијатива поддржана од Европската Комисија, истата е лансирана за прв пат во 2013-та година, и има за цел зголемување на дигиталните вештини во Европа. Во рамките на Европската недела на кодирање во 2017 година беа одржани вкупно 25.089 настани во 52 земји ширум светот, а учество земаа над 1 милион учесници. Македонија активно учествува во Европската недела на кодирање преку пријавување на настани во различни образовни институции. Оваа година неделата на кодирање е од периодот 6 до 21 октомври 2018 година. Во нашето училиште беа организирани два настани и тоа: 1. Гости – предавачи од успешната компанија Interworks и 2. Реализиран е час со УТТП каде што учениците беа запознаени со основните концепти на програмирањето и имаа можност практично да се обидат да изработат некои малечки, едноставни програмчиња следејќи конкретни задачи.
